بھوپال : مدھیہ پردیش اسمبلی انتخابات میں بھارتیہ جنتا پارٹی کی تاریخی جیت کے تقریباً چار دن بعد نئی حکومت کی تشکیل کو لے کر پیدا ہونے والی الجھن کے اگلے دو سے تین دنوں کے درمیان وزیر اعلیٰ کے عہدے کے حوالے سے صورتحال بہتر ہونے کی امید کی جارہی ہے ۔پوری تصویر کو لے کر قیاس آرائیاں کی جا رہی ہیں کہ آج نئی دہلی میں بی جے پی پارلیمانی پارٹی کی میٹنگ کے بعد اس کنفیوژن سے متعلق صورتحال کچھ حد تک واضح ہو سکتی ہے ۔ اس سے پہلے کل بھی نئی دہلی میں بی جے پی کے اعلیٰ رہنماؤں کے درمیان غیر رسمی ملاقاتیں ہوئیں۔کل ہی ریاست کے وہ تمام ممبران پارلیمنٹ، جنہوں نے حالیہ اسمبلی انتخابات میں کامیابی حاصل کی تھی، نے ایم پی کے عہدے سے استعفیٰ دے دیا تھا۔ ایسے میں اب وزیر اعلیٰ کے عہدے کو لے کر کئی طرح کی قیاس آرائیاں کی جا رہی ہیں۔
