ڈلاس، 23 جون (یواین آئی) سوپر اسٹار لیونل میسی ایک پنالٹی سے محروم رہے ، لیکن ان کے ریکارڈ دوگولس کی مدد سے دفاعی چمپئن ارجنٹینا نے آسٹریا کو فٹ بال ورلڈکپ کے گروپ جے کے میچ میں2-0 سے شکست دے کر ناک آؤٹ مرحلے میں داخلہ حاصل کرلیا۔ میسی ان دو گولس کے ساتھ ورلڈکپ کی تاریخ میں سب سے زیادہ گول کرنے والے کھلاڑی بن گئے ۔ ان کے رواں ورلڈکپ میں پانچ گول ہوچکے ہیں۔ انہوں نے الجیریا کے خلاف3-0 سے جیت میں ہیٹ ٹرک لگائی تھی۔ فٹ بال کے دیوتا سمجھے جانے والے میسی24 جون کو39 سال کے ہو جائیں گے ۔ انہوں نے اپنی ٹیم کو ناک آؤٹ مرحلے تک پہنچاکر خودکو سالگرہ کا پیشگی تحفہ دے دیا ہے۔ میسی نے پہلے ہاف کے شروع میں ایک پنالٹی پر شاٹ گول کے باہر ماردیا۔ تاہم انہوں نے واپسی کرتے ہوئے 38 ویں منٹ میں گول کرکے ٹیم کو برتری دلادی، میسی نے پھر میچ کے انجری ٹائم کے پانچویں منٹ میں دوسرا بہترین گول داغ کرکے جیت پکی کردی۔ اپنے پہلے گول کے ساتھ میسی نے میروسلاوکلوزکا ورلڈکپ کی تاریخ میں سب سے زیادہ16 گول کرنے کا ریکارڈ توڑ دیا۔ اس میچ کے بعد ان کے اب 18 گول ہو گئے ہیں۔ میسی کا ٹورنمنٹ کا واحد گول گروپ کے آخری میچ میں آیا۔ نائیجیریا کے خلاف گول کرکے انہوں نے2-1 سے جیت کی بنیاد رکھی۔ ناک آؤٹ میں جگہ بنانے کے لیے دونوں ٹیموں کے درمیان یہ ایک طرح کا پلے آف میچ تھا۔ دلچسپ بات یہ ہے کہ 2018 کے ٹورنمنٹ میں نائیجیریا کے خلاف گول کرکے ، میسی تاریخ کے ایسے کھلاڑی بن گئے جنہوں نے اپنی نوعمری (13-19سال)، ٹوئنٹیز(20-29سال) اور تھرٹیز (30-39 سال) کی عمر میں فیفا ورلڈ کپ میں گول کیے ۔ فرانس کے خلاف کوارٹر فائنل (آخری 8 مقابلے میں 4-3 سے شکست کے باوجود، میسی ہی تھے جنہوں نے ارجنٹینا کی امیدوں کو آخر تک زندہ رکھا۔ انہوں نے اپنی ٹیم کے تین میں سے دوگول میں تعاون کیا۔35سالہ لیونل میسی قطرفیفا ورلڈ کپ 2022میں بڑی توقعات کے ساتھ اترے اور شاندار کارکردگی کا مظاہرہ کرتے ہوئے سات میچوں میں اتنے ہی گول کئے ۔ کلائن ایمباپے کی تعداد سے ایک گول کم رہ گئے اور گولڈن بوٹ نہیں جیت سکے ۔
