چندی گڑھ: پنجاب کے گورداسپور گاؤں میں سرپنچ کے عہدے کے لیے منعقدہ ‘‘ نیلامی میں، ایک شخص نے اس عہدے کے لیے 2 کروڑ روپے کی بولی لگائی۔ کئی سیاستدانوں نے اس کی مذمت کی ہے۔ پنجاب میں گرام پنچایت انتخابات 15 اکتوبر کو ہوں گے۔ ہردوال کلاں گاؤں میں ہونے والی نیلامی کے لیے بولی 50 لاکھ روپے سے شروع ہوئی اور مقامی بی جے پی کے رہنما آتما سنگھ نے 2 کروڑ روپے کی بولی لگائی۔ بولی کے عمل کے بعد چیک کے ذریعے ادائیگی کرنے والے رہنما نے کہا کہ گاؤں والوں نے ایک سرپنچ منتخب کرنے کا فیصلہ کیا ہے جو گاؤں کے لیے زیادہ سے زیادہ رقم دے گا۔ انہوں نے کہا کہ نیلامی کی رقم گاؤں کی ترقی پر خرچ کی جائے گی۔ آتما سنگھ نے کہا کہ گاؤں والوں کی ایک کمیٹی فنڈ مختص کرنے کا فیصلہ کرے گی۔ سنگھ کے والد بھی گاؤں کے سرپنچ رہے ہیں۔ہردوال کلاں ضلع گورداسپور کے سب سے بڑے گاؤں میں سے ایک ہے اور اس میں تقریباً 350 ایکڑ پنچایت اراضی ہے۔ یہ واحد ضلع نہیں ہے جہاں ایسا واقعہ پیش آیا ہے۔اسی طرح کی نیلامی بھٹنڈہ کے دیپ بٹر گاؤں میں سرپنچ کے عہدے کے لیے کی گئی تھی۔
