میساچوسٹس (امریکہ)، 24 جون (یواین آئی) فیفا ورلڈ کپ 2026 کے گروپ ایل کے مقابلے میں انگلینڈ کو گھانا کے خلاف بغیر کسی گول کے ڈرا پر اکتفا کرنا پڑا۔ اس نتیجے نے ناک آؤٹ کے حوالے سے اس کی تشویش میں اضافہ کر دیا ہے ۔بوسٹن اسٹیڈیم میں کھیلے گئے اس میچ میں تقریباً 80 فیصد وقت تک گیند پر کنٹرول رکھنے کے باوجود تھامس ٹیوشیل کی انگلش ٹیم گھانا کی مضبوط دفاعی لائن کو توڑنے میں ناکام رہی۔ جیت کی تلاش میں انگلینڈ کے منیجر تھامس ٹیوشیل نے او ریلی، بوکایو ساکا، ایبریچی ایزے ، مورگن راجرز اور مارکس راشفورڈ کو میدان میں اتار کر ٹیم میں بڑے پیمانے پر تبدیلیاں کیں۔اس گول سے خالی ڈرا کے ساتھ بلیک اسٹارز نے ہیری کین اور جوڈ بیلنگھم کی قیادت میں انگلینڈ کی جارحانہ حملہ آور لائن کو ناکام بناتے ہوئے ایک پوائنٹ حاصل کیا۔ اس کے نتیجے میں گھانا کے دو میچوں کے بعد مجموعی پوائنٹس چار ہو گئے ہیں اور وہ صرف گول اوسط کی بنیاد پر انگلینڈ سے پیچھے ہے ۔انگلینڈ کو گول کرنے کا بہترین موقع میچ کے آخری لمحات میں ملا، جب متبادل کھلاڑی نیکو او ریلی نے دائیں جانب سے آنے والے کراس پر ہیڈر مارا بار سے ٹکرا کر واپس آ گیا۔ کین نے بھی اپنی دوسری کوشش کی جو بار کے اوپر سے نکل گئی۔دوسرے ہاف پر مورگن راجرز اور ایبریچی ایزے جیسے اٹیکنگ مڈفیلڈرز کا بھی فائدہ نہیں ہوا ۔
کروشیا کی پیشقدمی
ٹورنٹو، 24 جون (یواین آئی) میچ کے آخری مرحلے میں 54ویں منٹ پر متبادل کھلاڑی اینٹی بڈیمیرکے گول کی بدولت کروشیا نے کرو یا مرو مقابلے میں پناما کو 1-0 سے شکست دے کر فیفا ورلڈ کپ کے ناک آؤٹ مرحلے میں پہنچنے کی اپنی امیدیں زندہ رکھیں۔ٹورنٹو اسٹیڈیم میں سست اور بغیر گول کے پہلے ہاف کے بعد کروشیا نے بریک کے بعد پناما کی مضبوط دفاعی لائن کو توڑ دیا، جب متبادل کھلاڑی بڈیمیر نے میدان میں آنے کے صرف چار منٹ بعد ہی گول کردیا، جو بالآخر فیصلہ کن ثابت ہوا۔ یہ ورلڈ کپ میں کروشیا کی پہلی فتح ہے ۔