بلدی اجلاس کے بعد فیصلہ‘ وزیر اور کانگریس لیڈر وکرمادتیہ سنگھ کا بیان
شملہ :ہماچل پردیش کے وزیر اور کانگریس لیڈر وکرمادتیہ سنگھ نے کل کہا کہ پبلک ورکس اربن ڈیولپمنٹ اور میونسپل کارپوریشن کے ساتھ مشترکہ میٹنگ کے دوران آؤٹ لیٹ کے مالک کی تفصیلات کو لازمی ڈسپلے کرنے سے متعلق ایک حکم جاری کیا گیا ہے، انہوں نے مزید کہا کہ ہر دکاندار اور اسٹریٹ وینڈر کو اپنی شناخت ڈسپلے کرنا ہوگا۔ انہوں نے کہا کہ اس کا مقصد اس بات کو یقینی بنانا ہے کہ کہ حفظان صحت کے مطابق کھانا فروخت کیا جائے۔ یہ فیصلہ تمام اسٹریٹ فروشوں کیلئے کیا گیا ہے خاص طور پر وہ لوگ جو کھانے کی اشیاء فروخت کرتے ہیں۔ان کا مزید کہنا تھا کہ لوگوں نے سڑکوں پر فروخت ہونے والے کھانے کی صفائی پر اپنے تحفظات اور شکوک و شبہات کا اظہار کیا ہے اس پر غور کرتے ہوئے حکومت نے ملتی جلتی پالیسی نافذ کرنے کا فیصلہ کیا ہے، جس میں یہ لازمی قرار دیا گیا ہے کہ دکانداروں کو اپنے نام اور شناختی نشانات ظاہر کرنا ہوں گے۔اس سے پہلے آج وکرمادتیہ سنگھ نے بھی فیس بک پوسٹ کے ذریعے ترقی کا اعلان کیا اور کہا کہ یہ فیصلہ پبلک ورکس اربن ڈیولپمنٹ اور میونسپل کارپوریشن کے ساتھ مشترکہ میٹنگ کے دوران لیا گیا ہے۔ہماچل پردیش میں کانگریس کی حکومت ہے۔ادھر اتر پردیش میں چیف منسٹر یوگی نے ہوٹلوں اور ریستورانوں میں سی سی ٹی وی کیمروں کی تنصیب کو لازمی بنانے کے علاوہ باورچیوں اور ویٹروں کو ماسک اور دستانے پہننے کی ہدایت دی۔
