تریپورہ تشدد۔یواے پی اے کے ذریعہ حقائق کی پردہ پوشی ممکن نہیں۔ راہول گاندھی

نئی دہلی۔کانگریس کے سابق صدر راہول گاندھی نے پیر کیر وز کہاکہ تریپورہ میں لوگوں پر یو اے پی اے ایکٹ کے تحت مقدمات درج کرتے ہوئے حقائق سے پردہ پوشی نہیں کی جاسکتی ہے۔انہوں نے بی جے پی پر بھی حملہ کرتے ہوئے کہاکہ ان کا پسندیدہ مدافعت کا حربہ”بولنے والے کو گولی مارنا ہے“۔

تریپورہ میں مساجد پر مبینہ حملہ اور تصادم کے متعلق سماجی جہدکاروں‘ صحافیوں کے بشمول سوشیل میڈیاکے ہینڈلس پر پوسٹ کرنے والوں کے خلاف یو اے پی اے کے تحت پولیس کی جانب سے مقدمات کے اندراج کے بعد یہ ردعمل سامنے آیاہے۔

گاندھی نے ٹوئٹر پر لکھا کہ ”اشارہ مل رہا ہے کہ تریپورہ جل رہا ہے اوراصلاحی کاروائی ناگزیرہے۔

مگر بی جے پی کا پسندیدہ مدافعت کا حربہ پیغام دینے والے کو گولی مارنا ہے۔ یو اے پی اے کے ذریعہ حقائق کی پردہ پوشی نہیں کی جاسکتی ہے“۔