حیدرآباد: واٹر ٹینکر میں پیر کے دھونے کا واقعہ۔ کیس درج

,

   

حیدرآباد(تلنگانہ): سوشیل میڈیا پر پانی کے ایک ٹینکر میں پیر دھونے کے واقعہ کا عہدیداروں نے سخت نوٹ لیتے ہوئے ڈرائیور اور ٹینکر کے مالک کے خلاف مقدمہ درج کردیا ہے۔ تفصیلات کے مطابق سوشیل میڈیا پر ایک ویڈیو وائرل ہوا جس میں دیکھا جاسکتا ہے کہ محکمہ آبرسانی کے ٹینکر میں پانی بھرنے والا شخص جو ٹینکر کے اوپر کھڑے ہوکر پائپ سے بھر رہے پانی سے اپنے پاؤں دھورہا ہے۔

YouTube video

اس ویڈیو کے وائرل ہوتے ہی حیدرآباد میٹرو واٹر سپلائی اینڈ سیوریج بورڈ کے عہدیداروں کی شکایت پر کوکٹ پلی پولیس نے ٹینکر کے مالک اور ڈرائیور کے خلاف فوجداری مقدمہ درج کرلیا ہے۔ کوکٹ پلی انسپکٹر بی لکشمی نارائن ریڈی نے بتایا کہ معاملہ کی جانچ کی جارہی ہے۔ محکمہ آبرسانی کے عہدیداروں نے بتایا کہ یہ واقعہ موسی پیٹ علاقہ کے ایک فلنگ اسٹیشن کا ہے۔