سپریم کورٹ نے انتخابات میں مفت تحائف کا وعدہ کرکے ووٹ لینے والی سیاسی جماعتوں کے خلاف درخواست کی سماعت سے انکار کردیا۔ سی جے آئی این وی رمنا نے کہا کہ ہمیں یہ عرضی محرک معلوم ہوتی ہے۔ آپ نے یہ پٹیشن ایک گروپ اور پارٹیوں کو نشانہ بناتے ہوئے دائر کی ہے۔ آپ اسے واپس لے لیں ورنہ آپ پر بھاری جرمانہ عائد کیا جائے گا۔ درخواست گزار نے درخواست واپس لے لی ہے۔ اس سے قبل سپریم کورٹ نے درخواست کی سماعت کے لیے رضامندی ظاہر کی تھی۔ ایڈوکیٹ برون کمار سنہا نے کیس کی جلد سماعت کا مطالبہ کیا تھا۔دراصل ہندو سینا کے لیڈر سوجیت یادو نے سپریم کورٹ میں مفاد عامہ کی عرضی دائر کی ہے۔ درخواست میں کانگریس، سماج وادی پارٹی، بہوجن سماج پارٹی اور عام آدمی پارٹی کو فریق بنایا گیا ہے۔
