اٹاوہ : دہلی ہاوڑا ریلوے روٹ پر واقع اترپردیش کے ضلع اٹاوہ کے بھرتھنا ریلوے اسٹیشن کے پاس بدھ اور جمعرات کی نصف رات ‘سوتنترتا سینیانی ایکسپریس وے ’حادثے کا شکار ہونے سے بال بال بچ گئی جب بیچ ٹریک پر دو سانڑ ٹرین سے ٹکرا گئے ۔بھرتھنا ریلوے اسٹیشن سپرنٹنڈنٹ منوج کمار نے بتایا کہ بدھ کی رات تقریبا ایک بج کر 15منٹ پر نئی دہلی سے کانپور جارہی سپر فاسٹر سوتنترتا سنگرام سینانی ایکسپریس وے بھرتھنا اسٹیشن کے نزدیک دو سانڑوں سے ٹکرا گئی جس کے چلتے ٹرین کا انجن فیل ہوگیا اور ٹرین ڈاؤن لائن پر کھڑی ہوگئی۔ حادثے کے بعد پیچھے سے آرہی ہم سفر ایکسپریس وے ،پریاگ راج ایکسپریس وے کو لوپ لائن سے سست روی سے گذار گیا۔
