حیدرآباد،29اکتوبر(سیاست نیوز)آندھراپردیش کے اپوزیشن لیڈر این چندرابابونائیڈو نے کہا ہے کہ ریاست میں ریت کی کمی انسانی غلطی ہے ۔انہوں نے کہاکہ ریاست کی حکمران جماعت وائی ایس آرکانگریس کی نااہلی کے نتیجہ میں اے پی مالیاتی مشکلات کی شکار ہوگئی۔انہوں نے پارٹی کے لیڈروں کے ساتھ ٹیلی کانفرنس سے خطاب کرتے ہوئے ریت کی کمی پر حکومت پر نکتہ چینی کی اور کہاکہ ریت کی کمی سے تعمیراتی شعبہ سے وابستہ مزدور بے روزگار ہوگئے ہیں۔انہوں نے سمندر میں 4000کیوزک پانی کو بہا دینے پر بھی سوال اٹھائے ۔انہوں نے کہا کہ تلگودیشم کے لیڈروں سی پربھاکر،بھومااکھیلاپریہ اور وی ومشی کے خلاف جھوٹے مقدمات دائر کئے گئے ہیں۔
