نئی دہلی: نئے موٹر ہیکل ایکٹ کے خلاف آج ذرائع حمل و نقل کی ہڑتال، اسکولس و بعض دفاتر کوتعطیل

,

   

نئی دہلی: نئے موٹر ایکٹ 2019ء کے خلاف آج نئی دہلی اور نوئیڈامیں ٹرانسپورٹ سیکٹر نے بند کا اعلان کیا ہے۔ اس بند کے تحت خانگی بسیں، آٹو رکشا، کیبس، ٹرکس اور اسکول وینس سڑکوں سے غائب نظر آئیں جس کی وجہ سے کئی دفاتر اور اسکولس کو تعطیل دیدی گئی۔ ذرائع حمل و نقل(ٹرانسپورٹ)، 41اسوسی ایشنس اور یونینس نے آج موٹر وہیکل ایکٹ کے نافذ کے خلاف بند کا اعلان کیا ہے۔ دی یونائیٹڈ فرنٹ آف ٹرانسپورٹ اسوسی ایشنس (یو ایف ٹی اے) نے 41اسوسی ایشنس و یونینس کے ساتھ بندکا اعلان کیا ہے۔ یو ایف ٹی اے نے اعلان کیا ہے کہ کوئی بھی خانگی ٹرانسپورٹ کمرشیل گاڑی 19ستمبر کوصبح 6تا 9.30بجے رات تک نہیں چلے گی۔

یوایف ٹی اے سربراہ ہریش سبھروال نے کہا کہ حکومت سے ہمارا مطالبہ ہے کہ نئے ترمیمی وہیکل ایکٹ کے قوانین کو برخواست کیا جائے،یہ سوائے بدعنوانی کے کچھ نہیں ہے، حکومت اس بھاری رقومات کے چالانات کی کوئی بھی گوشہ سے حوصلہ افزائی نہیں کی جارہی ہے۔ حکومت نے یقین دلایا تھا کہ بڑے عہدوں پر فائز عہدیداروں کو بھی اگر وہ قوانین کی خلاف ورزی کرتے ہیں تو ان پر بھی چالان عائد کیا جائے گا لیکن یہ بات حقیقت بن نہ سکی۔“

طلباء کے سرپرستوں اور والدین کو اسکولس کے مسیج موصول ہوا کہ آج ہڑتال کی وجہ سے اسکول بند رہیں گے۔ بعض اسکولس میں امتحانات چل رہے ہیں آج کا پرچہ ملتوی کردیا گیا ہے۔ کچھ اسکولس نے تعطیل منسوخ کر کے اسکول کھلا رکھنے کافیصلہ کیا ہے او رانہوں طلبہ کے سرپرستوں سے اپنے بچوں کو اسکول لاکرچھوڑنے کی درخواست کی کیونکہ اسکول کے بسوں پر بھی آج پابندی ہے۔