نئی دہلی:کانگریس کے قومی سکریٹری اور ریاستی شریک انچارج وریندر سنگھ راٹھور نے جمعہ کو کہا کہ پارٹی سچن پائلٹ کے ذریعہ اٹھائے گئے مسائل کا جائزہ لے گی۔
انہوں نے کہا کہ تمام مسائل پارٹی رہنماؤں سے بات چیت کے ذریعے حل کیے جائیں گے۔ راٹھور جمعہ کو ضلع کانگریس کمیٹی کی جائزہ میٹنگ میں شرکت کے لیے بارمیر میں تھے۔
نامہ نگاروں سے بات کرتے ہوئے راٹھور نے کہا، ”ہر پارٹی کے اپنے اندرونی تنازعات ہیں اور ان پر عوامی سطح پر بات کرنے کی ضرورت نہیں ہے۔ پارٹی لیڈر سچن پائلٹ نے کچھ مسائل اٹھائے ہیں اور پارٹی اسے حل کرے گی۔
آل انڈیا کانگریس کمیٹی کے سکریٹری نے کہا کہ کانگریس پارٹی آئندہ انتخابات کے لئے پوری طرح تیار ہے اور اس اعتماد کا اظہار کیا کہ کانگریس دوبارہ حکومت بنائے گی۔
