نئی دہلی۔ ہندوستانی کرکٹ ٹیم کے سابق کپتان کپل دیو نے قیادت کے تقسیم کے خیال کو سرے سے مسترد کرتے ہوئے کہا کہ ہندوستانی ثقافت دوکپتانی کی نہیں ہے اور ویراٹ اگر ٹی20 میں اچھا کررہے ہیں تو انہیں کپتان برقرار رہنا دینا چاہئے ۔ متحدہ عرب امارات میں اختتام پذیر انڈین پریمیر لیگ (آئی پی ایل) میں روہت شرما کی قیادت والی ممبئی انڈین فاتح رہی تھی۔ یہ ٹیم کا پانچواں آئی پی ایل خطاب تھا اور اس نے روہت کی قیادت میں کامیابی حاصل کی ہے ۔ اسی کے ساتھ ہی کوہلی کی ٹیم کوالیفائررائل چیالنجر بنگلور سے باہر ہوگئی۔ کوہلی کی ٹیم اب تک ایک بھی آئی پی ایل خطاب نہیں جیت سکی ہے ۔ اس کے بعد ان حالات میں یہ بحث تیز ہوگئی ہے کہ کوہلی کی جگہ ٹوئنٹی20 کی کپتانی اب روہت شرما کے سپردکردی جانی چاہئے ۔ورلڈ کپ فاتح ٹیم کے کپتان کپل دیو نے ہندوستان ٹائمس کی ورچوئل سمٹ کے دوسرے دن کہا میں پہلے اپنی1983 کی ثقافت کو دیکھتا ہوں۔ ہمارے یہاں دوکپتانوں کا تصور نہیں ہے ۔ کیا ایک کمپنی میں دو سی ای او ہوسکتے ہیں ؟ اگر کوہلی ٹی 20 میں اچھی کارکردگی کا مظاہرہ کر رہے ہیں تو انہیںکپتان رہنے ود۔
