نئی دہلی : بی جے پی نے گجرات سے راجیہ سبھا کی دو سیٹوں پر ہونے والے ضمنی انتخابات کیلئے امیدواروں کا اعلان کیا ہے ۔ بی جے پی کے قومی جنرل سکریٹری اور ہیڈ کوارٹر انچارج ارون سنگھ کی طرف سے جاری پریس ریلیز کے مطابق پارٹی کی سنٹرل الیکشن کمیٹی نے دنیش بھائی جیمل بھائی پرجاپتی اور رام بھائی موکریا کو ان انتخابات میں امیدوار بنایا ہے ۔گجرات میں راجیہ سبھا کی دو سیٹیں کانگریس سینئر لیڈر احمد پٹیل اور بی جے پی کے ابھے بھاردواج کے انتقال کے بعد خالی ہوئی ہیں ۔ پٹیل کا گذشتہ سال 25 نومبر کو انتقال ہو گیا تھا ، جبکہ مسٹر بھاردواج کا یکم دسمبر کو انتقال ہوگیا تھا ۔
