بیروت : فلسطین حزب اللہ تحریک نے لبنان کے جنوب سے اسرائیلی سرحدی علاقے کے فوجی ٹھکانوں اور رہائشی مراکز پر مختلف اقسام کے اسلحے سے 11 حملے کئے ہیں۔حزب اللہ نے جاری کردہ بیان میں کہا ہے کہ حالیہ 24 گھنٹوں میں لبنان کی زمین سے اسرائیل پر 11 حملے کئے گئے ہیں۔ یہ حملے لبنان کے جنوبی علاقے خولہ پر اور 3 شہریوں کی اموات کا سبب بننے والے اسرائیلی حملوں کے جوب میں کئے گئے ہیں۔بیان میں کہا گیا ہے کہ اسرائیل کی کریات شمونا اور کفر بلم رہائشی بستیوں پر بیسیوں کاتیوشا میزائل فائر کئے گئے ہیں۔ بغدادی اور برکت ریشے فوجی چوکیوں، 769 ویں مشرقی بریگیڈ کی کریات شمونا فوجی بیرک کے ہیڈ کوارٹر اور کفر شوبا پہاڑیوں کی رویسات العالم چوکی کو میزائلوں اور دیگر موزوں اسلحے سے نشانہ بنایا گیا ہے۔بیان میں کہا گیا ہے کہ حملے میں اسرائیلی سرحدی چوکیوں میں موجود 2 عدد ‘میرکاوا ‘ٹینکوں کو بھی ہدف بنایا گیا ہے۔اسرائیل ریڈیو نے حملوں کے بارے میں جاری کردہ خبر میں کہا ہے کہ لبنان کی طرف سے کریات شمون پر 30 میزائل فائر کئے گئے ہیں جن میں سے 10 کو فضائی دفاعی سسٹم کے ذریعہ گِرا دیا گیا ہے۔واضح رہے کہ اسرائیل مسلح افواج اور حزب اللہ تحریک کے درمیان 8 اکتوبر سے جاری جھڑپوں میں حزب اللہ کے 232 اراکین، 48 لبنانی شہری، عمل تحریک کے 11 اراکین، حماس کے 12 اراکین اور اسلامی جہاد کے 12 اراکین شہید اور اسرائیل کے 6 شہری اور 11 فوجی ہلاک ہو چکے ہیں۔
