مدورئی : تمل ناڈو کے مدورئی کا‘ النگ نلور جلی کٹو’ روایتی کھیل کے لیے دنیا بھر میں مشہور ہے ، اس کھیل کو دیکھنے کے لیے ہر برس ملک و بیرون ملک سے سینکڑوں کی تعداد میں سیاح یہاں کا رخ کرتے ہیں۔النگ نلّورتمل ناڈو کے ضلع مدورئی کا ایک قصبہ ہے ۔ پونگل تہوار کے دوران جلی کٹو کے تین پروگرام منعقد کیے جاتے ہیں، پہلا ایونیا پورم جلی کٹو، جو تھائی پونگل کے پہلے دن منعقد ہوتا ہے ۔ اس کے بعد اگلے دن پالا میڈو جلی کٹواور تیسرے دن النگ نلور جلی کٹو ہوتا ہے ۔فی الحال چار روزہ پروگرام میں 14 اور 15 جنوری کو سانڈھ کو قابو میں کرنے کا پروگرام منعقد کیا گیا تھا۔ تملوں کا روایتی بہادری کا کھیل جلی کٹو ہر سال بڑے دھوم دھام سے منایا جاتا ہے ۔تمل ناڈو حکومت نے کووڈ-19 کے انفیکشن کی نئی شکل کے پھیلاؤ کو روکنے کے لیے اتوار کے روز ریاست میں مکمل لاک ڈاؤن نافذ کر دیا۔
