رائے پور: چھتیس گڑھ کے وزیر خوراک امرجیت بھگت نے آج اسمبلی میں اعتراف کیا کہ امدادی قیمت پر پچھلے سال مارکیٹنگ سال میں خریدے گئے دھان کو وقت سے نہ اٹھانے اور سڑنے کی وجہ سے 554 کروڑ روپے کا نقصان ہوا ہے ۔مسٹر بھگت نے وقفہ صفر میں بی جے پی کے رکن سابق وزیراعلیٰ ڈاکٹر رمن سنگھ کے ضمنی سوالات کے جواب میں کہا کہ کورونا وبا، مرکزی حکومت کی طرف سے دی گئی اجازت وغیرہ کی وجہ سے خریداری مراکز سے دھان اٹھانے میں تاخیر ہوئی جس کی وجہ سے وہاں رکھے دھان کو نقصان پہنچا۔ڈاکٹر سنگھ نے وزیر سے سال 21-2020 میں دھان کی خریداری کی پالیسی سے متعلق طے شدہ نکات کی معلومات مانگی جس کا جواب وزیر نہیں دے سکے ۔ وزیر بھگت نے قبول کیا کہ گزشتہ مارکیٹنگ سال میں 24 لاکھ میٹرک ٹن چاول سنٹرل پول میں جمع ہونا تھا جس میں سے ایک لاکھ میٹرک ٹن سے زیادہ چاول ابھی جمع ہونا باقی ہے ۔انہوں نے کہا کہ نیلامی کے ذریعہ سے 8.97 لاکھ میٹرک ٹن چاول فروخت کیا گیا اور ابھی 564 میٹرک ٹن دھان اٹھانے کیلئے بچا ہے ۔
