کانگریس کارکنوں کو ڈی سی سی صدر میڈپلی ستیم اور دیگر قائدین کا مشورہ ، کریم نگر میں تربیتی پروگرام سے خطاب
٭ میناکشی نٹراجن کی نامزدگی کو مسترد کرنا ظالمانہ
٭ بی جے پی کی مرکزی حکومت کی ہر سازش کو ناکام کیا جائے گا
کریم نگر۔ 14 جون(سیاست ڈسٹرکٹ نیوز) کانگریس پارٹی کریم نگر اسمبلی حلقہ بی ایل اے-2 (بوتھ لیول ایجنٹ-2) کے اراکین کے لیے خصوصی ووٹر لسٹ ایس آئی آر کی جامع نظر ثانی کے لیے ایک تربیتی پروگرام اتوار کو کریم نگر شہر میں سیتارام پور پی ایم کنونشن میں منعقد کیا گیا۔ڈی سی سی صدر، چپہ ڈنڈی کے ایم ایل اے میڈی پلی ستیم، پی سی سی کے نائب صدر، ماسٹر ٹرینر نمیندلا سرینواس، سوڈا کے چیئرمین کوماتیریڈی نریندر ریڈی، لائبریری سوسائٹی کے چیرمین ستھو ملیشم، سابق ایم ایل اے اریپلی موہن، اربن ڈی سی سی صدر ویدیولا انجن کمار، کریم نگر مارکیٹ کمیٹی کے چیرمین اکولا نارسنا، اربن کراسنا اور دیگر بھی موجود تھے۔اس موقع پر خطاب کرتے ہوئے ایم ایل اے میڈی پلی ستیم نے مرکز کی بی جے پی حکومت پر کانگریس پارٹی کے ہمدردوں اور سیکولر ووٹروں کو نشانہ بنانے کی سازش کا الزام لگایا۔ انہوں نے مشورہ دیا کہ کانگریس کے ہر لیڈر، کارکن اور عوامی نمائندے کو خصوصی ووٹر لسٹ پر نظرثانی کے پروگرام میں بڑھ چڑھ کر حصہ لینا چاہئے اور یہ چیک کرنا چاہئے کہ کیا اہل رائے دہندوں کے نام ابھی بھی فہرست میں ہیں یا نہیں۔ انہوں نے یقین ظاہر کیا کہ کانگریس پارٹی آئندہ انتخابات میں کریم نگر اسمبلی سیٹ پر کامیابی حاصل کرے گی۔ مرکزی حکومت کی سازشوں کو ناکام بنائے گی ۔ماسٹر ٹرینر اور پی سی سی کے نائب صدر نامیندلا سرینواس نے کہا کہ پارٹی کی صفوں کو خصوصی ووٹر لسٹ پر نظرثانی کے عمل میں چوکنا رہنا چاہئے۔ اس مہینے کی 25 تاریخ سے شروع ہونے والے پروگرام میں بوتھ لیول کے لیڈران، ایجنٹس اور کارکنان پوری طرح سے حصہ لیں اور ہر ووٹ کی حفاظت کی ذمہ داری لیں۔ انہوں نے اس بات پر تشویش کا اظہار کیا کہ میناکشی نٹراج کی نامزدگی کو مسترد کیا جانا غیر جانبدارانہ اور ظالمانہ ہے۔ سوڈا کے چیرمین کومٹ ریڈی ،نریندر ریڈی نے کہا کہ خصوصی ووٹر لسٹ پر نظر ثانی کے پروگرام کو انتہائی ترجیح کے ساتھ لیا جانا چاہئے۔ انہوں نے تجویز دی کہ ووٹر کے اندراج، تبدیلیوں اور اضافے کے عمل میں لوگوں کو ضروری مدد فراہم کی جائے۔سابق ایم ایل اے اریپلی موہن، شہری ڈی سی سی صدر ڈاکٹر ویدیولا انجن کمار لائبریری کے چیئرمین ستھو ملیش نے کہا کہ ووٹر میپنگ کے عمل کی مکمل سمجھ ہونی چاہئے اور ہر گھر کے ووٹرز کی تفصیلات جان کر کسی غلطی سے بچنے کے لئے احتیاطی تدابیر اختیار کی جانی چاہئے۔ بعد ازاں، ماسٹر ٹرینر نمیندلا سرینواس نے خصوصی ووٹر لسٹ ترمیم (SIR) کے عمل کے بارے میں BLA-2 کے اراکین اور بوتھ لیول ایجنٹس کو جامع تربیت فراہم کی۔اس پروگرام میں کانگریس پارٹی کے دیگر مختلف قائدین و کارکنوں نے بھی شرکت کی۔
