نئی دہلی: دہلی-این سی آر میں ابھی بھی گھنی دھند موجود ہے۔ محکمہ موسمیات نے آج راجدھانی دہلی میں دھند کے حوالے سے ریڈ الرٹ جاری کیا ہے۔ دہلی کے ساتھ ساتھ محکمہ موسمیات نے پنجاب اور ہریانہ کے لیے بھی ریڈ الرٹ جاری کیا ہے۔ اس کے ساتھ ساتھ آلودگی کی بڑھتی ہوئی سطح نے معمولات زندگی کو متاثر کر دیا ہے۔ ان دنوں سردی اور دھند کے ساتھ آلودگی کی بڑھتی ہوئی سطح کی وجہ سے لوگوں کو موسم کے دوہرے حملے کا سامنا ہے۔کہرے کے باعث سڑکوں پر گاڑیاں دھیرے دھیرے چل رہی ہیں اور ٹرینیں بھی تاخیر سے چل رہی ہیں۔ بھارتی ریلوے کے مطابق دہلی آنے والی 11 ٹرینیں تاخیر سے چل رہی ہیں۔
