فوٹو ووٹرسلپس اور ووٹر گائیڈ کی تقسیم
حیدرآباد 27مارچ (یواین آئی ) تلنگانہ بھرکے تمام اسمبلی حلقوں میں کل سے نئے اندراج کئے گئے رائے دہندوں کے لئے ان کے مکانوں پر بوتھ لیول آفیسرس انتخابی فوٹو شناختی کارڈس یا ووٹر کارڈس ‘ فوٹو ووٹرسلپس اور ووٹر گائیڈ تقسیم کریں گے ۔ الیکشن کمیشن آف انڈیا نے یہ ہدایت دی کہ عام انتخابات میں رائے دہندگان کو اپنی شناخت کے لیئے صرف فوٹوووٹر سلپ کافی نہیں ہے بلکہ رائے دہندہ ووٹر کارڈ کو بطور شناختی دستاویز استعمال کر سکتے ہیں۔ ووٹر کارڈ نہ ہونے کی صورت میں ذیل میں دیئے گئے 11 دستاویزات میں سے کسی ایک کو بطور شناختی کارڈ استعمال کر سکتے ہیں1۔ پاسپورٹ 2۔ ڈرائیونگ لائسنس 3۔ ریاستی مرکزی یا عوامی شعبے یا پبلک لمیٹیڈ کمپنی کی جانب سے جاری کیا گیا سرویس فوٹو کارڈ 4۔ بینک یا پوسٹ آفس سے جاری کی گئی پاس بک معہ تصویر 5۔ پین کارڈ 6۔ این پی آر کے تحت آرجی آئی سے جاری کیا ہوا اسمارٹ کارڈ 7۔ ایم این آر ای جی اے جاب کارڈ 8۔ منسٹری آف لیبر سے جاری کیا ہوا ہیلتھ انشورنس اسمارٹ کارڈ 9۔ پنشن دستاویزات معہ تصویر 10۔ ایم ایل اے یا ایم پی یا ایم ایل سی کی جانب سے جاری کیا ہوا سرکاری شناختی کارڈ 11۔ آدھار کارڈ۔ اورپہلے سے موجود رائے دہندے جن کے پاس ووٹر کارڈس نہیں ہے تو وہ می سیوا سینٹرس سے حاصل کر سکتے ہیں۔
