دھرم شالہ : انگلینڈ کے سابق اسپنرگریم سوان کو یقین نہیں ہے کہ پانچ میچوں کی ٹسٹ سیریز میں روہت شرما کی کپتانی بین اسٹوکس کی قیادت سے بہتر تھی بلکہ، یہ ہندوستانی بولر کی ایک مہلک جماعت تھی جس نے ہندوستانی کپتان کے لیے کامیابی حاصل کی۔ جب کہ اسٹوکس کے قائدانہ انداز نے سیریز سے پہلے اور اس کے دوران تمام توجہ اپنی طرف مبذول کروائی تھی، روہت کی ٹیم آخر میں 4-1 سے فاتح بن کر ابھری۔ مجھے نہیں لگتا کہ وہ بطورکپتان بہتر رہے ہیں کیونکہ ان کے بولروں نے کپتان کے لیے کامیابی حاصل کی ہے۔ مجھے لگتا ہے کہ ان کے پاس اپنے ہتھیاروں میں زیادہ بہتر ہتھیار ہیں،سوان نے ہندوستان کی اننگز اور64 رنز کی کامیابحی کے بعد ایک خصوصی بات چیت میں پی ٹی آئی ویڈیوز کو بتایا۔ ہفتہ کو یہاں انگلینڈ کو پانچویں اور آخری ٹسٹ میں رن شکست ہوئی ۔ ہندوستان کی کامیابی پر سوان نے کہا کہ ہندوستانی بولروں کے مظاہرے اس سیریز میں کامیابی اور ناکامی میں واضح فرق رہے جس میں جسپریت بمراہ کی قیادت میں فاسٹ بولنگ کے علاوہ روی چندرن اشون ، کلدیب یادو اور رویندر جڈیجہ سریز کے دوران کافی شاندار رہے ۔
