حیدرآباد۔ بی جے پی کے منتخب رکن اسمبلی ایم رگھو نندن راو 18 نومبر کو رکن اسمبلی کی حیثیت سے حلف لیں گے ۔ وہ اسپیکر اسمبلی پوچارم سرینواس ریڈی کے چیمبر میں اپنے عہدہ کا حلف لیں گے ۔ دوباک حلقہ اسمبلی کیلئے منعقد ہوئے ضمنی انتخاب میں بی جے پی نے پوری شدت سے مقابلہ کرتے ہوئے اپنے امیدوار ایم رگھونندن راو کو کامیابی دلائی تھی ۔ ان انتخابات میں برسر اقتدار ٹی ار ایس کو حیرت انگیز طور پر شکست کا سامنا کرنا پڑا تھا ۔ رگھو نندن راو نے اپنے حلقہ میں پوری تندہی سے مہم چلاتے ہوئے رائے دہندوں سے ووٹ مانگا تھا اور انتخابات میں کامیاب ہوئے تھے ۔
