واشنگٹن : امریکہ نے شمالی کوریا پر زور دیا ہے کہ وہ ’اشتعال انگیزی‘ ختم کرے اور مذاکرات کی دعوت قبول کرے۔‘میڈیاکے مطابق شمالی کوریا کے لیے امریکہ کے نمائندہ خصوصی نے اتوار کو کہا ہے کہ کشیدگی کو کم کرنے کی کوششوں کے لیے شمالی کوریا کے حالیہ بیلسٹک میزائل کے تجربات تشویشناک ہے اور مطلوبہ خواہشات کے مطابق نہیں۔سیول میں جنوبی کوریا کے سفیر کے ساتھ ملاقات کے بعد صحافیوں سے بات کرتے ہوئے نمائندہ خصوصی سونگ کم نے کہا کہ امریکہ شمالی کوریا کے ساتھ مستقل اور ٹھوس سفارتکاری کا خواہاں ہے۔سونگ کم نے کہا کہ ’ہمارا مقصد جزیرہ نما کوریا کو مکمل طور پر جوہری ہتھیاروں سے پاک کرنا ہے۔‘پیانگ یانگ نے اب تک امریکی پیشکش کو مسترد کیا ہے اور کہا ہے کہ واشنگٹن اور سیول مذاکرات میں سنجیدہ نہیں اور یہ الزام بھی عائد کیا ہے کہ وہ اپنی فوجی سرگرمیوں سے کشیدگی میں اضافہ کر رہے ہیں۔ امریکی نمائندہ خصوصی نے کہا کہ اس تجرنے نے اقوام متحدہ کے سلامتی کونسل کے متعدد قراردادوں کی خلاف ورزی کی اور یہ شمالی کوریا کے ہمسایوں اور عالمی برادری کے لیے ایک خطرہ ہے۔
