حیدرآباد ۔ 13 نومبر (سیاست نیوز) حیدرآباد میٹرو پولیٹن واٹر سپلائی اینڈ سیوریج بورڈ (HMWS&SB) کے مطابق پنجہ گٹہ شمشان کے قریب سڑک کشادگی کے کام کے باعث پینے کے پانی کی پائپ لائن کو تبدیل کیا جائے گا جس کی وجہ اس کے قریبی علاقوں میں 15 اور 16 نومبر کو پانی کی سربراہی نہیں ہوگی۔ واٹر بورڈ کے عہدیداروں کے مطابق او اینڈ ایم ڈیویژن ۔ 6 اور ڈیویژن ۔ 7 کے تحت کے علاقوں میں 15 نومبر کو صبح 6 تا 16 نومبر تک پانی کی سربراہی نہیں ہوگی۔ ان علاقوں میں ایراگڈہ، بنجارہ ہلز، پلاریڈی گوڑہ، وینگل راؤ نگر، سوماجی گوڑہ، وینکٹاگیری، پانڈورنگارنگ اور کبیر نگر شامل ہیں۔
