نئی دہلی: صدر دروپدی مرمو 22 جنوری کو وزیر اعظم کے قومی بچوں کے ایوارڈ، 2024 کے ساتھ غیر معمولی کامیابیاں حاصل کرنے والے 19 بچوں کو اعزاز دیں گی۔جمعہ کو یہاں یہ جانکاری دیتے ہوئے خواتین اور بچوں کی ترقی کی مرکزی وزارت نے کہا کہ وزیر اعظم کا نیشنل چائلڈ ایوارڈ ملک کے تمام خطوں سے آرٹ اور کلچر، سائنس اور ٹکنالوجی، سماجی خدمات، کھیلو اور بہادری کے شعبوں میں منتخب 19بچوں کو دیا جائے گا۔ ایوارڈ جیتنے والوں میں 18 ریاستوں اور مرکز کے زیر انتظام علاقوں کے 9 لڑکے اور 10 لڑکیاں شامل ہیں جن میں دو خواہش مند اضلاع بھی شامل ہیں۔وزارت کے مطابق وزیر اعظم نریندر مودی 23 جنوری کو وزیراعظم نیشنل چلڈرن ایوارڈ یافتگان کے ساتھ بات چیت کریں گے ۔ مرکزی خواتین اور بچوں کی ترقی کی وزیر سمرتی ایرانی 24 جنوری کو وزیر مملکت ڈاکٹر منجپرا مہندر بھائی کی موجودگی میں بچوں سے بات چیت کریں گی۔
