کھٹمنڈو: مغربی نیپال میں منگل کے روز ایک مسافر بس کے گہری کھائی میں گرنے سے کم از کم 28 افراد ہلاک اور 14 زخمی ہو گئے۔ مقامی عہدیدار نے یہ اطلاع دی۔ موگو کے چیف ڈسٹرکٹ آفیسر رام بہادر مہات نے بتایا کہ یہ حادثہ صوبہ کرنالی کے ضلع موگو کے علاقہ پیناگان میں پیش آیا جس میں 24 مسافر موقع پر ہی ہلاک ہو گئے اور چار دیگر نے اسپتال لے جاتے ہوئے دم توڑ دیا۔ انہوں نے بتایا کہ بس میں 42 مسافر سوار تھے اور14 زخمیوں کو ہوائی جہاز سے نیپال گنج پہنچایا گیا ہے۔
