وارانسی۔ 26 اگست (یو این آئی) مرکزی آبی کمیشن کی رپورٹ کے مطابق، وارانسی میں منگل کے روز گنگا ندی کی سطحِ آب 68.94 میٹر درج کی گئی۔ گنگا کا پانی ہر گھنٹے نو سینٹی میٹر کی رفتار سے بڑھ رہا ہے ۔ کمیشن کے مطابق، گنگا کی انتباہی سطح 70.262 میٹر اور خطرے کا نشان 71.262 میٹر ہے ، جبکہ ندی کی بلند ترین سیلابی سطح 73.901 میٹر ہے ۔ کاشی میں گنگا ندی کا الٹا بہاؤ اس بار دوسری بار دیکھنے کو ملا ہے ۔ ایک بار پھر گھاٹوں کا رابطہ مکمل طور پر ٹوٹ گیا ہے ۔
دشاشومیدھ گھاٹ پر واقع شیتلا مندر تک پانی پہنچ چکا ہے ۔ ہریش چندر گھاٹ پر مشان ناتھ اور منی کرنیکا گھاٹ پر واقع رتنیشور مہادیو مندر کا گربھ گرہ پانی میں بھرگیا ہے ۔ اسی گھاٹ کی اوپری سیڑھیوں اور ‘صبحِ بنارس’ کے اسٹیج تک پانی پہنچ گیا ہے ۔ وہیں، ورونا ندی بھی طغیانی پر ہے ۔ ایسے میں گنگا اور ورونا کے کنارے واقع علاقوں میں لوگوں کو ایک بار پھر مشکلات کا سامنا کرنا پڑ سکتا ہے ۔
