حیدرآباد ۔ /29 اکٹوبر (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہِ ربیع المنور 1441ھ زیرنگرانی حضرت مولانا سید محمد قبول بادشاہ قادری الشطاری آج شام حسینی بلڈنگ معظم جاہی مارکٹ میں منعقد ہوا ۔ شہر میں جزوی مطلع آباد آلود ہونے کے باوجود چاند نظر آگیا ۔ شہر کے علاوہ مختلف اضلاع میں چاند نظر آنے کی اطلاعات ملی ہیں ۔ ممبئی ، گجرات سے بھی رویت کی تصدیق ہوئی ہے ۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ /30 اکٹوبر چہارشنبہ کو یکم ربیع المنور ہوگی ۔ اجلاس میں حضرت مولانا سید محمد قبول بادشاہ قادری الشطاری ، حضرت مولانا مفتی محمد عظیم الدین، حضرت مولانا مفتی خلیل احمد ، حضرت مولانا سید حسن ابراہیم حسینی سجاد پاشاہ ، مولانا سید حامد افتخار پاشاہ قادری اور جناب قاضی سید نوراللہ فاروق عارفی نے شرکت کی ۔
شیعہ علماء کا بیان
سید علی اصغر جعفری کے مطابق کل ہند شیعہ مجلس علماء و ذاکرین نے یہ اعلان کیا کہ شہر میں چاند نظر آگیا لہذا 30 اکٹوبر 2019 کو یکم ربیع الاول 1441 ہوگی ۔ اس کی تصدیق حسب ذیل علماء کرام نے کی ۔ مولانا ڈاکٹر سید نثار حسین حیدر آقا، مولانا رضا عباس خان، مولانا سید ظفر یاب حیدر، مولانا سید جلال حیدر اور مولانا عسکری علی خان۔