رائے گڑھ: چھتیس گڑھ کے رائے گڑھ ضلع میں پولیس اسٹیشن میں داخل ہونے کے بعد پولیس کانسٹیبل پر حملہ کرنے کے معاملے میں مفرور ملزم ہریتک نائک سمیت چھ ملزمان نے آج کوتوالی پولیس اسٹیشن میں خودسپردگی کر دی۔رتیک ایم ایل اے پرکاش نائک کا بیٹا بتایا جاتا ہے۔ پولیس ذرائع کے مطابق رائے گڑھ کے ایم ایل اے پرکاش نائک کے بیٹے ریتک نائک اور5دیگر ملزمان نے صبح کوتوالی پولیس اسٹیشن پہنچنے کے بعد خودسپردگی کی۔ دراصل تین دن پہلے ایم ایل اے کے بیٹے ریتک نائک نے اپنے کچھ دوستوں کے ساتھ مل کر ٹرک ڈرائیور پر حملہ کیا تھا۔ تھانے میں رپورٹ درج کرانے آئے ٹرک ڈرائیور کے ساتھ ڈیوٹی پر موجود پولیس کانسٹیبل کو بھی تھانے میں گھس کر مارا پیٹا گیا۔اس معاملے میں پولیس نے زخمی ٹرک ڈرائیور اور زخمی پولیس کانسٹیبل کی رپورٹ پر ایم ایل اے کے بیٹے ریتک نائک سمیت چھ ملزمان کے خلاف مختلف دفعات کے تحت مقدمہ درج کیا تھا۔ اس کیس کے تمام چھ ملزمان ری، نے خودسپردگی کر دی ہے ۔
