امراوتی ا(آندھرا پردیش )۔یکم ؍ جون (پریس نوٹ )آندھرا شطرنج ایسوسی ایشن، VIT-AP یونیورسٹی کے تعاون سے، VIT-AP امراوتی شطرنج فیسٹیول کی میزبانی کررہا ہے۔اپنی نوعیت کے پہلے VIT-AP Amaravati international chess tournment کا افتتاح آندھرا پردیش کے ڈائرکٹر جنرل پولیس ہریش کمار گپتا نے آج انجام دیا اور بحیثیت مہمان خصوصی تقریب میں شرکت کی ۔آکے روی کرشن ‘انسپکٹر جنرل آف پولیس ایگل سل نے مہمان اعزازی کی حیثیت سے شرکت کی ۔ سپرنٹنڈنٹ آف پولیس ضلع گنٹور وکل جندل‘شری ناگیش ‘ ایس پی ایگل سل گنٹور ‘ ڈاکٹر اے سریش صدر ‘ شری کے وی وی شرما چیئر مین کے علاوہ آندھرا پردیش چیس اسوسی ایشن کے سکریٹری شری کے جگدیش بھی تقریب میں موجود تھے ۔ٹورنمنٹ کا یکم تا 5جون انعقاد عمل میں آرہا ہے ۔، یہ ایک تاریخی ایونٹ جو ہندوستان میں کھلاڑیوں کیلئے دوستانہ شطرنج کی تقریبات میں سے ایک ہے۔ نچلی سطح پر ٹیلنٹ کو پروان چڑھانے اور نوجوان کھلاڑیوں کو اکثر درپیش مالی رکاوٹوں کو دور کرنے کے مشن کے ساتھ، منتظمین پہلے 500 رجسٹرڈ انڈر 15 کھلاڑیوں اور ان کے ساتھ آنے والے والدین کے لیے مفت کھانا اور AC رہائش کی پیشکش کر رہے ہیں۔ یہ ٹورنامنٹ 2 زمروں میں کھیلا جائے گا۔18سال سے کم عمر ان ریٹیڈ چیس ٹورنمنٹ 2026 کے کھلاڑیوںکیلئے مجموعی انعامی رقم 30لاکھ روپئے رکھی گئی ہے ۔ امریکہ سمیت مختلف ممالک کے کھلاڑیوں نے اس ٹورنمنٹ کیلئے رجسٹریشن کروایا ہے ۔
