سدی پیٹ ۔ 4 اگسٹ ۔ ( سیاست ڈسٹرکٹ نیوز ) سدی پیٹ ٹو وہیلر آٹو کنسلٹنسی یونین (رجسٹریشن نمبر 4) کے دوسرے مرحلے کے انتخابات اتوار کو منعقد ہوئے، جس میں اراکین کی متفقہ حمایت سے نئی کارگزار کمیٹی منتخب کی گئی۔ اس انتخاب میں صدر کے طور پر پٹلا یادگیری، نائب صدور کے طور پر سید ظہیر اور نرسملو، جنرل سیکرٹری کے طور پر کوریلّی جسونت ریڈی ، خزانچی کے طور پر رامیشور اور جوائنٹ سیکرٹری کے طور پر کورما روی کانت منتخب ہوئے۔ اسی طرح کشن ریڈی، نریش، کرشنا اور وانگ وجے نے مشیران کی ذمہ داری سنبھالی۔ نئی کارگزار کمیٹی کو اراکین نے پھولوں کے ہار پہنا کر شاندار طریقے سے خراج تحسین پیش کیا اور مبارکباد دی۔ اس کے بعد انتخابی کامیابی کی تقریب کو بین الاقوامی یومِ دوستی (فرینڈشپ ڈے) کی تقریبات کے ساتھ منایا گیا۔
