کراکس ۔ 29 جون (ایجنسیز) وینزویلا میں گزشتہ ہفتہ آنے والے تباہ کن زلزلے کے نتیجے میں ہلاکتوں کی مصدقہ تعداد بڑھ کر اب کم از کم بھی 1,450 ہو گئی ہے جبکہ حکام نے زخمیوں کی نئی تعداد بھی اب 3,200 سے زائد بتائی ہے۔ کراکس میں وینزویلا کی قومی اسمبلی کے اسپیکر خورگے روڈریگیز نے بتایا کہ حکام کو خدشہ ہے کہ زلزلے کے دو طاقت ور جھٹکوں کے باعث جتنی بھی مادی تباہی ہوئی، اس کے بعد ممکنہ طور پر اب بھی ہزاروں افراد تباہ شدہ عمارات کے ملبے تلے دبے ہوئے ہو سکتے ہیں۔ متاثرہ علاقوں میں وینزویلا کے اپنے ہزاروں ریکسیو ورکرز کے ساتھ ساتھ کم از کم 24 دیگر ممالک کے امدادی کارکن بھی زخمیوں کی تلاش جاری رکھے ہوئے ہیں۔ تاہم زلزلے کے بعد سے کئی دن گزر جانے کے باعث اب ہر گزرتے ہوئے گھنٹے کے ساتھ یہ امیدیں کم ہوتی جا رہی ہیں کہ آیا ملبے کے نیچے دبے ہوئے افراد میں سے مزید کسی کو زندہ بچایا جا سکتا ہے۔ زلزلے کے یہ دونوں جھٹکے گزشتہ ہفتہ چہارشنبہ کے روز آئے تھے اور ان کے درمیان تقریبآ صرف ایک منٹ ہی کا فرق تھا۔ ان جھٹکوں کی شدت ریکٹر اسکیل پر 7.2 اور 7.5 ریکارڈ کی گئی تھی، جن کے بعد تقریبآ 430 ضمنی جھٹکے بھی محسوس کیے گئے تھے۔
