ممبئی :بالی ووڈ اداکار سونو سود نے آن لائن کلاسیز کیلئے بچوں کو موبائل فون دینے کا فیصلہ لیا ہے ۔ کورونا وبائی بیماری کے دوران مسیحا بن کر آئے سونو سود کسی کی مدد کرنے کیلئے پیچھے نہیں ہٹے ۔پہلے بچوں کو اسکالر شپ دینے کے بعد اب سونو سود نے آن لائن کلاس کیلئے بچوں کو موبائل فون دینے کا ارادہ کیا ہے ۔ سونو سود کو ایک ایجوکیشن آرگنائزیشن نے ٹوئٹ کرکے ان سے مدد مانگی تھی۔ جس سے بچوں کی پڑھائی میں کسی طرح کی پریشانی نہ ہو۔ انہوں نے ٹوئٹ کیا کہ پوجا ، عافیہ روزمرہ کام کرنے والے مزدوروں کے بچے ہیں ۔ یہ دونوں بچے اسمارٹ فون نہ ہونے کی وجہ سے آن لائن کلاس نہیں لے پارہے ہیں۔ آپ ان کی پڑھائی کیلئے فون دستیاب کرایئے ۔ سونو سود نے ٹوئٹ کے ذریعہ کی جواب دیا کہ کوئی بھی بچہ پڑھائی کے بغیر نہیں رہے گا۔ آپ سبھی کیلئے فون بھیج رہا ہوں۔
