وزیر صحت کون ہے؟ ویشویشوار ریڈی کا سوال۔

, ,

   

حیدرآباد۔ اس بات کے مد نظر کہ کویڈ کے اس وقت میں وزیر صحت برائے تلنگانہ کو ایک بازو کرتے ہوئے ان کے بجائے ائی ٹی اور انڈسٹری منسٹر اور چیف منسٹر تلنگانہ کے بیٹے کے ٹی راماراؤسرخیوں میں آرہے ہیں‘ سابق رکن پارلیمنٹ کونڈا ویشویشوار ریڈی نے میڈیا کے نمائندوں سے بات کرتے ہوئے پوچھا کہ”وزیر صحت کون ہے؟“۔

ٹوئٹر کا سہارا لے کر مسٹر ریڈی نے مذکورہ تصویر جو حکومت کی جانب سے لوگوں میں شعور بیداری کے مقصد سے شہراو رمضافات میں لگائے گئے ہورڈنگس کی تصویر پوسٹ کی جس میں وزیر صحت غائب ہیں۔تصویر پوسٹ کرنے کے دوران انہوں نے تبصرہ کیاکہ”مندرجہ ذیل تصویر میں وزیر صحت کون ہے؟“۔

مذکورہ ہورڈنگ میں ایک جانب چیف منسٹر کے سی آر اور دوسرے جانب ائی ٹی اور اوزیر صنعت کے ٹی راما راؤ کی تصویریں ہیں۔ جبکہ باپ او ربیٹے کی کرونا وائرس کے متعلق شعور بیداری کے لئے تصویر میں موجودگی وزیر صحت ایٹلہ راجندرا کو مکمل طور پر ہورڈنگ میں نظراندازکرنا ہے جو سرکاری خرچ پر نصب کئے گئے ہیں۔

مسٹر ریڈی نے نے دعوی کیاہے کہ درحقیقت کے سی آر ہر معاملے میں اپنے بیٹے کو آگے بڑھانا چاہا رہے ہیں۔ انہوں نے کہاکہ جو فیصلہ وزیرصحت کو کرنا ہے وہ ائی ٹی منسٹر او رچیف منسٹر لے رہے ہیں۔

انہو ں نے کہاکہ صحت کے معاملات ایٹلہ راجندر سے زیادہ کے سی آر اور کے ٹی آر بات کررہے ہیں۔ مسٹر ریڈی نے مطالبہ کیاکہ ریاست میں ہلت ایمرجنسی کا اعلان کریں اور کہا کہ ریاست میں کرونا وائرس پر قابو پانے میں حکومت پوری طرح ناکام ہوگئی ہے