ضمنی انتخابات 12اپریل کو ہونے والے ہیں اور نتائج 16اپریل کو برآمد ہوں گے
نئی دہلی۔ مذکورہ بھارتیہ جنتا پارٹی(بی جے پی) مغربی بنگال میں مجوزہ ایک لوک سبھا اور ایک اسمبلی کے لئے ضمنی انتخابات کے لئے کمر کس لی ہے۔ اسنسول لوک سبھا ضمنی الیکشن کے لئے مبصر کے طور پر مذکورہ پارٹی نے سویندھو ادھیکاری کا تقرر عمل میں لایاہے۔
اس کیع لاوہ پارٹی کے ایم پی ارجن سنگھ کو شریک مبصر مذکورہ حلقہ کے لئے مقرر کیاگیاہے۔
اس کے علاوہ بی جے پی نے رکن پارلیمنٹ جگناتھ سرکار کو بالی گنج اسمبلی حلقہ ضمنی الیکشن کی ذمہ داری تفویض کی ہے۔
ان دو حلقوں میں ضمنی انتخابات 12اپریل کو ہونے والے ہیں اور نتائج 16اپریل کو برآمد ہوں گے۔
درایں اثناء ترنمول کانگریس(ٹی ایم سی) نے اتوار کے روز سابق مرکزی وزیرشتر وگھن سنہا اور بابل سپریو کو بالترتیب اسنسول اور بالی گنج سے میدان میں اتارا ہے۔
بابل سپریو کے پچھلے سال اکٹوبر میں استعفیٰ کے بعد سے اسنسول کی سیٹ خالی ہے۔ جبکہ بالی گنج اسمبلی حلقہ کی سیٹ ٹی ایم سی ایم ایل نے سبراتا مکھرجی کی موت کی وجہہ سے خالی ہوئی ہے۔